Navayuga Tulu Sanchike 1936 - Poem

ಧನಿಕೆ - ಬಡವೆ
                                           - ಕಿಶೋರೆ

ಧನಿಕಡ್ದಾತ್ ಬಡವೆ ಉಲ್ಲೆ |
ಬಡವಡ್ದಾತ್ ಧನಿಕೆ ಮಲ್ಲೆ |
ಬಡವೆ ಧನಿಕೆ ಒಟ್ಟುಗುಲ್ಲೆ |
ಧನಿಕೆ ಕಾರ್ |
ಬಡವ ತರೆತ |
ಮಿತ್ ದೀವೆನಾ?
ಬಡವೆ ಬೆಂದ್ |
ಜಂಟ ಧನಿಕೆ |
ಜೀವೊಟೆಪ್ಪೆನಾ?
ಧನಿಕೆ ತಿನೊಡು |
ಬಡವೆ ಬೆನೊಡು |
ಧನಿಕೆ ಸುಕೊಡು |
ಕಾಲೊ ದೆಪ್ಪೊಡು |
ಇಂದು ಸಾಧ್ಯೊನಾ?
ಬಡವಗೀತ್ ನುಪ್ಪು ಯಾವು |
ಧನಿಕಗಾತ್ ಬೋಡು ಪನವು |
ಧನಿಕ-ಬಡವಗಿದ್ದಿ ಸಾವು?
ಧನಿಕೆ - ಬಡವೆ |
ರೊಟ್ಟುಗಾಂಡ |
ಎಡ್ಡೆ ಆವನಾ?
ಬೆನೊಡು ಬಡವೆ |
ಘನೊಡು ಧನಿಕೆ |
ಇಂದು ಸಾಧ್ಯೊನಾ?
ಧನಿಕೆ ಕೊರಡು |
ಬಡವಗೀತ್ |
ಬಡವೆ ಬೆನೊಡು |
ಧನಿಕಗಾತ್ |
ಇಂದು ಸಾಧ್ಯೊನಾ?

ನವಯುಗ ತುಳುಸಂಚಿಕೆ - 1936