Navayuga Tulu Sanchike 1936 - Short Story

ಎನ್ನ ಕನೊ
                                                                                            - ಬಾಲಕೃಷ್ಣೆ
1

           ಕತ್ತಲೆತ ಒನಸ್ಸಾಯಿ ಪೆಟ್ಟ್ಗ್ ಯಾನ್, ಜೆಪ್ಪಿನ ಕೋಣೆಗ್ ಪೋದ್ ಹಾಸಿಗೆತ ಮಿತ್ತ್ ಬೂರೊಂಡೆ.  ದಾನೆ ಮಲ್ತ್ಂಡಲಾ ನಿದ್ರೆ ಬತ್ತ್ಜಿ. ಲಕ್ಕಿಯೆ, ಲೇಂಪ್ದ ಬತ್ತಿನ್ ಮಲ್ಲೆ ಮಲ್ತ್ದ್, ಮಏಜ್ತ ಮಿತ್ತ್ತ್ತಿನ ಒಂಜಿ ಕಾದಂಬರಿನ್ ದೆತ್ತ್ದ್, ಬುಡುಪಾಯೆ. ಕನ್ನಡೊ! ಅಂಬಿಕೆ! ಇಂದು ವಾ ಅಂಬಿಕೆ ತೂಕೊ ಪಂಡ್ದ್ ನಡು ಭಾಗೊನೆ ಬುಡಿಪಾಯೆ. ಪನಿ ವಿಶೇಸೊ ತೋಜಿಂಡ್. ಆ ಪುಟೊನಿಡಿ ಓದಿಯೆ. ಮೈ 'ಜುಂ' ಪಂಡ್ಂಡ್. ಆ ಪುಟೊ ಪಿಸ್ತೂಲ್ಲೆನ ಪೆಟ್ಟ್ಡ್ ದಿಂಜಿತ್ ಪೋತಿತ್ತ್ಂಡ್. ಪೂರಾ ರಕ್ತಮಯೊ ಆ ಪುಟೊ (?) ಥೂ ಪಂಡ್ದ್ ಪುಸ್ತಕೊನ್ ಮೇಜ್ತ ಮಿತ್ತ್ ದೀದ್ ಪೆರಪ್ಪ ಹಾಸಿಗೆತ ಮಿತ್ತ್ ಬೂರಿಯೆ. ಗಂಟೆ ಪತ್ತೊಂಜಿ ಆಂಡ್ಲಾ ನಿದ್ರೆ ಬತ್ತ್ಜಿ ಪುರೆಡೋಂದಿತ್ತೆ.

2

               ಜಾಗ್ರತೆ! ಓಲ್ಲ ಕಾಗದೊಲೆನ್ ನರಿತ್ತಂಟ?...
               ಇದ್ದಿ ಸೀನ...ಇದ್ದಿ... ಪಂಡೆ ಯಾನ್.
               ಮುಟ್ಟ್ತ್ ತೂಯಂಟ ಜಾಗ್ರತೆ!...ಇಂಚಿತೂಲಾ ಯಾನ್ ತೂಯೆ. ಸೀನೆ ಕೈಟ್ ಪಿಸ್ತೂಲು ಪತ್ತೋಂದು ಉಂತೋಂದಿತ್ತೆ. ಅಯ್ಯೋ! ನರಿಪ್ಪಯೆ ಸೀನಾ. ಸೀನೆ ಈ ಸತರ್ಿದಯನ ಪಾತೆರೊಲೆನ್ ಕೇಂಡ್ದ್, ಓಂಡು? ಆ ಕಾಗದೊಲೆನ್ ಕಂಡತ್ತ್ಕೊರು.
               ಅಂದ ಸೀನ-ಯಂಕ್ ಬೊಡ್ಚಿ... ಸೀನೆ ಕೋಪೊಡು ಪರು ಕಡೆವೊಂದು ಪೋಯೆ...ಯಾನ್ ಬಯ್ಯನಗ ಕ್ಲಬ್ಬ್ಗ್ ಪೋವೇತೆ. ಐಪ್ಪಾಲ್ ಪೇದೆ 3 ಕವರ್ಲೆನ್ ಕೊರ್ಯೆ. ಅವು ಪೂರಾ ಸೀನನ ವಿಳಾಸೊಗಿತ್ತ್ಂಡ್. ಪೋಸ್ಟಾಫೀಸ್ತ ಮೊಹರ್ಲೆನ್ ತೂಯೆ. ಮೂಜಲಾ ಮುಲ್ಪತವೇ ಆದಿತ್ತೊ. ಎನ್ನವತ್ತ್ ಪಂಡ್ದ್ ಪೇದೆಗ್ ಕೊರ್ಯರ ತಿರ್ಗ್ಯೆ. ಆಯೆ ಪೋದಿತ್ತೆ. ಕಾಗದೊಲೆನ್ ನರಿಪುಕೊಂದ್ ಗ್ರೈತ್ದ್ ನರಿಪ್ಪೆರ ತೂನಗ ನರಸಿಂಗನ ಸವಾರಿ ಬತ್ತ್ಂಡ್ ಎಂಕೆದೂರಾತ್. ತೆರಿಂಡ್ ಮಗ-ಸೀನಗ್ ಪಣ್ಪೆ ಪಂಡ್ದ್ ಆಯೆ ಬೀಸ ನಡತ್ತೆ. ಯಾನ್ ಕಾಗದೊಲೆನ್ ನರಿಪಂದೆ ಇಲ್ಲಡೆತ ಸಾದಿಪತ್ಯೆ.
ಮೂಜಿ ಕಾಗದೊ...ಪೂರಾ ಠಕ್ಕೆ...ಉಂತಲ್ಲೆ! ಯಾನ್ ಒಡೆಪ್ಪೊಡಂಟ ಕೇಂಡ್ ಸೀನನ ಸ್ವರೊ. ಸೈತ್ತ್ಪೋ.
               ಢಂ ಭೈರಿಂ ಪಂಡೋಂದು ಗುಂಡು ಎನ್ನೆದೆಕ್ಕ್ ಬತ್ತ್ತ್ ತಾಗ್ಂಡ್. ಅಯ್ಯೋ...!!!!!
               ಅಂದ್ ಕಣ್ಣ್ಬುಲಾದ್ ತೂಯೆ. ಓಳ್ಳೆ ಸೀನೆ? ಓಂಡ್ ಗುಂಡು? ಕಿಸೆಟ್ ಕಾಗದೊಲಾ ಇದ್ದಿ. ಅಂಗಿ ಇತ್ತ್ಂಡತ್ತೆ ಕಿಸೆ. ಕಡೆಡ್ತ್ ಸುರುಮುಟ್ಟ ಆಲೋಚನೆ ಮಲ್ತೆ. ಮಾತ ತರೆಕ್ಕ್ ಬಡೆತ್ಂಡ್. ಇಂದು ಕನೊಂದ್ತ್ ತೆರಿಂಡ್. ಆ ಪತ್ತೇದಾರಿ ಕಥೆತ್ತ ಒಂಜಿ ಪುಟನ್ ಓದ್ನೆಡ್ತಾವರ ಆಯಿ ಪರಿಣಾಮೊಂದ್ತ್ ತೆರಿಂಡ್. ರಡ್ಡ್ ರಡ್ಡ್ ಸತರ್ಿ ಇಂದೆನ್ ನೆನೆತ್ತೊಂಡ್, ಒರತ್ತ ಮೈತ ಉದರ್್ತ್, ಪೆರಪ್ಪ ಹಾಸಿಗೆತ ಮಿತ್ತ್ ಜೆತರ್ೆ!

ನವಯುಗ ತುಳು ಸಂಚಿಕೆ - 1936