ಬಡವೆದಿ
- ಎಂ. ವಿಠಲ ಹೆಗ್ಡೆ
- ಎಂ. ವಿಠಲ ಹೆಗ್ಡೆ
ದಾನೆ ಪೊರ್ಲುದ ರೂಪ
ಅಯ್ಯಯ್ಯೊ ಪಾಪ!
ಮೋನೆಡೈಸ್ರದ ಬೊಟ್ಟು
ಇಜ್ಜಿ, ಬಡೆವೆದಿ ಆಲ್!
ಉಂದೆಟ್ಟ್ ಬಡಪತ್ತ್!
ಅಯ್ಯಯ್ಯೊ ಪಾಪ
ದಾನೆ ಪೊಲರ್ುದ ರೂಪ
ಅಯ್ಯಯ್ಯೊ ಪಾಪ!
ಏರ್ ಮಳ್ತೆರ ದಾನ್ನ
ಆಲವೆನ್ ಪಿನಯೊಲು
ತಿಗಲೆ ತರೆವುನ ಗೇನ
ಅಲೆನ್ ಕೆಲಸೊಗು ಆಲ್
ಹೊಣೆನ? ಬಡವೆದಿ ಆಲ್!
ಲೋಕ ಮಲ್ಲಗಲೆಗ?
ಆಲ್ ಬತ್ತಿನಿ ದೇಗ್
ಅಯ್ಯಯ್ಯೊ ಪಾಪ
ದಾನೆ ಪೊಲರ್ುದ ರೂಪ
ಅಯ್ಯಯೊ ಪಾಪ!
ಮೂಕುದಿದ ಸೌಭಾಗ್ಯ
ಬೋಡೊಂದು ಬುಲಿಪುಂಡು
ಅಲೆ ಮೋನೆ! ಏರಗಲು
ಕೊರುಪಿ ಪುಣ್ಯಾತ್ಮೆರ್?
ಏರ ಮಲ್ತೆರ್ ಉಣರೆ
ಆಲ? ಕಣ್ಣೀರ್ದಾ
ಕಲೊನವೆನ್ ತೂದು ಮದ
ಪನ? ನಿನಡ ಪಸೆಯಿಜ್ಜಿ!
ಅಯ್ಯಯ್ಯೊ ಪಾಪ!
ದಾನೆ ಪೊಲರ್ುದ ರೂಪ
ಅಯ್ಯಯ್ಯೊ ಪಾಪ!
ಓಲ ಲಕ್ದಲ್ಪನೇ
ಬೂರುನವು ಆ ಜೀವ
ಏರ್ ಮುನಿಯೊಡು ದೇಗ್?
ಏರ್ ಕುಜೆಪೊಡು ದೇಗ್!
ಐತ ವೊಂಜೀತ್ ಸುಖ
ಇಡಿ ಲೋಕ ತೊಡುಪಾಡ್ದ್
ವೊಇತ್ ಗೆತೊನೊಡ! ಪಾಪ!
ಅಲೆಡ ಪೊಂಬರ್ಿನಿ ದಾನೆ
ಒಂದೊಂಜಿ ಧರ್ಮನಾ?
ಅಯ್ಯಯ್ಯೊ ಪಾಪ!
ದಾನೆ ಪೊಲರ್ುದ ರೂಪ
ಅಯ್ಯಯ್ಯೊ ಪಾಪ!
ನನ ಪಿನಯ, ಪಿನರೆ ಪೋ
ವೊಡು ದೇಗ್! ಅಲೆ ಕಲರ್್
ಕುಮೆ ಕುಮೆದ್ ಕೋಟಿ ನೆಲ
ಕಯಿನಾಲ್ ದಪರ್ುವೊಲೆ!
ಆ ಮುರಿಯ ಬೆರಿ ಬುಡುವ!
ದಾನೆ ಪಡೆತೊಂಡಪ್ಪ
ಈ ಕರ್ಮ, ಈ ದಪರ್ು,
ಈ ತಿಗಲೆ ತೋಜಾದ್?
ಈತ್ ನಿನ ಕಾಬರ್ಾರ್
ಅಲೆ ಜನ್ಮ ತೆಟ್ಟವರೆ!
ಪಾಪ! ಬಡವೆದಿ ಆಲ್
ಅಲೆನಂಚ ಬಡವೆರ್
ಬೇತೆ ಇಜ್ಜೆರ್, ಆಲೆ
ಒತರ್ಿ ತಿಕಿಯೊಲು ನಿಕ್ಕ್
ಕುಜೆತ್ ಕುಜೆತ್ದ್ ಕೆರ್ಪ
ಆವಡೆಡ್ಡಾವಡ್! ಅಯ್ಯಯ್ಯೊ ಪಾಪ
ದಾನೆ ಪೊಲರ್ುದ ರೂಪ
ಅಯ್ಯಯ್ಯೊ ಪಾಪ!
ಅಲೆನ ಬಂಜಿದ ತೂವು
ಮುಗಲ್ ಕಾವೇರುನವು
ಆಲ್ ಬುಲಿಪುನಗ ಈ
ತೆಲಿಪನಾ? ನಿನ ಬದ್ಕ್
ಬದ್ಕ? ಪೊಲರ್ುದ ಪೊಣ್ಣು
ತರೆ ದೆತರ್್ ತೆಗ್ಲಿ ಕೊಡಿ
ಬೋಡುಂದ್ ಕಿನಿಕಿಯನೆ!
ಆ ಕರ್ಮ ಬೆರಿ ಪಸ್ದ್
ನಿನ ತರೆಕ್ ದರ್ಪಂದ?
ಓ ಪಾಪಿ! ತೆಟ್ಟಯನೆ,
ಜನ್ಮೊನೇ ತೆಟ್ಟಯನೆ!
ಹಾಳಾಪ! ಹಾಳಾಪ!!
ಕೋಟಿ ಕಡಲದ್ ನೀರ್
ಅಲೆ ಕಣ್ಣ್ದೊಂಜಿ ಪನಿ!
ನಿನನ್ ಮುರ್ಕವು ತೂಲ
ಆಲ್ ಬಡವೆದಿ ಅಂದ್
ಅಲೆ ತಿಗಲೆದುರಿ ಕಾಲ
ಕೂಟದಾ ತುಂಡು! ಜನ್ಮನೆ ತೆಟ್ಂದ್ ಪಾಪನೇ!
ದಾನೆ ಪೊಲರ್ುದ ರೂಪ
ಅಯ್ಯಯ್ಯೊ ಪಾಪ!
'ಧರ್ಮ' ಪನ್ಪನೆ ಧರ್ಮ
ಮುರಿಯೊಲೆಡ್ ಮಟ್ಟುನಾ?
ಬಡವೆದಿನ್, ತಪ್ಪುದಂತಿನ
ಪಾಪದಲೆನಿಂಚ ಬುಲಿಪವರೆ
ಧರ್ಮ ಪಿನುವಾ? ಪಣ್ಲ
ಅಲೆನೊಂತೆ ತೂವಯನ
ಎಲೆಡೆಲ್ಪದ ಗತಿನ್ ಕೊರಿಯನೇ!
ನಿನ ಧರ್ಮ ಗಿರ್ಮ, ಅಲೆ
ಬುಲಿಪು ಪುಟ್ಟವು ಮೋನೆ
ದೆದುರುಂತ? ಪಾಪನೆ!
ದಾನೆ ಪೊಲರ್ುದ ರೂಪ
ಅಯ್ಯಯ್ಯೊ ಪಾಪ!
ನವಯುಗ ತುಳುಸಂಚಿಕೆ - 1936
No comments:
Post a Comment